Nga Uaratanga - Maungatapu School

NGĀ PŪMANAWA – UARATANGA	E tūhura ana Discovering	E pakari ana Progressing	E whakahāngai ana Applying	E rere ana! Ready to Fly!
HE TAMAITI ATAWHAI *‘The quality of being friendly, generous, and considerate.’*	Kai te kitea, kai te rongohia te tamaiti nei i te atawhaitanga o wāna hoa, o wāna pia. E ako tonu ana he aha pea ngā āhuatanga o tēnei pūmanawa.	E ako tonu ana ki te tū hai tamaiti atawhai ki wētahi atu. E āhei ana ki te whakamārama i te tikanga o te atawhai ki wētahi atu i ngā wā e tika ana.	He tauira pai e whakaatu mai ana i ngā pūmanwa atawhai ki a anō, ki wētahi atu anō hoki. He tamaiti atawhai i te nuinga o te wā.	Ko ia tētahi tamaiti, e whakatinana ana i ngā uaratanga me ngā pūkenga e tika ai te kii, he ihopūmanawa o te tangata atawhai ki ngā tamariki, ki ngā pakeke, ki te katoa. E whakaae ana rā te katoa ki tēnei whakaaro nui.
HE TAMAITI WHAI WHAKAARO ‘*The ability to assess* *and initiate things independently.’*	E ako ana he aha rā te tikanga o te whai whakaaro, mōna anō te take.	Kai te kitea tōna kaha ki te whai whakaaro mōna anō, mō wētahi atu anō hoki.	He tauira pai o te tamaiti e whai whakaaro ana mōna anō te take me te kore akiaki i tētahi atu.	Kai a ia ngā pūkenga me te āheinga ki te whai whakaaro, ahakoa te horopaki, ahakoa te take. E whai whakaaro ana hai rautaki whakaea, hai tautohu take.
HE TAMAITI WAEWAE KAPUA *‘Willing to take risks or to try out new methods, ideas, or experiences.’*	E puta tonu ana i tōna rua, i tōna wāhi haumarumaru.	E aro atu ana ki wētahi horopaki hou, ki wētahi mahi/ngohe hou.	E puta ana ki waho i tōna taiao haumarumaru, hai whakamātatau i wōna waewae kapua.	He tauira waewae kapua, i te ao, i te pō. He autaia, he taiki ngāpara. E ngākaunui ana ki ngā aronga hou, ki ngā wero hou me wōna āheinga hou.
HE TAMAITI MANAWAROA *‘Persistence in doing something despite difficulty or delay in achieving success.’*	E ako ana ki te tautohu i ngā wā e tika ana kia manawaroa te ū.	E taunga ana ki ngā piki me ngā heke me te kore tūohu. Haere tonu ake, haere tonu ake. E mārama ana, e angitū ai a ia, me manawaroa te ū.	He tauira pai e whakaatu mai ana, kia manawaroa te ū ki ngā kaupapa huhua kai mua i a ia, kai mua rānei i wētahi atu. Kua angitū te tamaiti nei, he kaha nō tōna manwaroa.	Ko ia tētahi tamaiti, e whakatinana ana i ngā uaratanga me ngā pūkenga e tika ai te kii, he ihopūmanawa o te manawa piharau, o te tangata manawaroa E mārama kehokeho ana ko te manawaroa te tino tūāpapa o te angitū.
HE TAMAITI MAHI TAHI ‘Work jointly on an activity or project.’	E ako ana ki te manaaki i tēnā, i tēnā o tana rōpū ako, i waenganui rānei i wōna pia.	E āhei ana ki te mahi ā rōpū me te mārama ki ngā uaratanga e tika ana kia whaihua ai te rōpū katoa.	He tauira e taunga ana ki te mahi ā rōpū, ki te āta whakarongo ki ngā whakaaro o wētahi atu me te manaaki i te nuinga, atu i a ia.	Ko ia tētahi tamaiti, e whakatinana ana i ngā uaratanga me ngā pūkenga e tika ai te kii, he ihopūmanawa o te mahi tahi.